Órfons Di Pai Bibu (feat. Rislene) letra

Órfon di pai bibu
Munti trankadu la Sanmartinhu
Lunji di kaminhu
Órfon di pai bibu

Órfon di pai bibu
Sonhus matadu désdi mininu
Kria sen karinhu
Órfon di pai bibu

E fla kaminhu ki nu anda teni spinhus
I kes konsedju ki nu dadu ki ka obidu
Oji e sa fitxadu na gaióla pasarinhu
Tristésa so ta kanta la déntu di Sonmartinhu
Órfon di pai bibu, nha distinu
La kasa sen afétu, sen karinhu
Oji sosiadadi ponta-m dédu fla-m 'bandidu'
Pa déntu N sa-ta djobi fundamentu nha kaminhu

Mundu ka ta finda, mundu ka ta finda
Nkuantu N sa raspira N ten ki sunha pa N kaminha
Ma mundu ka ta finda, mundu ka ta finda
Speransa ten ki grita, pórtas nunka ka ta fitxa

I kantu noti ki nu durmi sen odja nos pai?
I kantu sonhu ki nu mata? Láguas munti kai
Li déntu zóna, munti kria baxu d'aza mai
'Padi, larga' sa na móda, undi kes mininu bai?

Órfon di pai bibu
Munti trankadu la Sanmartinhu
Lunji di kaminhu
Órfon di pai bibu

Órfon di pai bibu
Sonhus matadu désdi mininu
Kria sen karinhu
Órfon di pai bibu

Kantu Patriki na rua? Txeu jóvens ta atua
Kel sentimentu flutua, dja es xinti m'es é órfon di pai bibu
Kes jóvens ka bua, ses luta ka dura
Ses aza ta kema na tumusféra, móda Íkaru
Munti dja tenta, ma oji nos rua k'é libru ta prega konflitu, nxina munti lisons negativu
Ku bóka bédju na punhu, úniku língua k'es fala é Babel
Purisu nos zóna sa-ta obi munti tiru
Pa bo k'é pai: Abrasa bu fidju
Dexa vizon pa limia kaminhu
Pa bo k'é mai: K'o larga bu fidju
Odja ma kes lágua sa-ta modja txeu lensinhu

I kantu noti ki nu durmi sen odja nos pai?
I kantu sonhu ki nu mata? Láguas munti kai
Li déntu zóna, munti kria baxu d'aza mai
'Padi, larga' sa na móda, undi kes mininu bai?

Órfon di pai bibu
Munti trankadu la Sanmartinhu
Lunji di kaminhu
Órfon di pai bibu

Órfon di pai bibu
Sonhus matadu désdi mininu
Kria sen karinhu
Órfon di pai bibu

Es ki bu podi fla-m kenha ki dexa-bu bai
Bu luta pa bu vida, ma simê bu ka kunsigi
Ami N ta txora sukundidu pa mama ka odja-m ta txora
Ma sime e a-ta sufri
N odja na si odju ma e sa pensa txeu
Ka un dia sen fla bu nómi, ta fla ma bo k'é si ómi
Papa, volta pa kasa, fla-m ku kenha k'u dixa-m

Órfon di pai bibu
Munti trankadu la Sanmartinhu
Lunji di kaminhu
Órfon di pai bibu

Órfon di pai bibu
Sonhus matadu désdi mininu
Kria sen karinhu
Órfon di pai bibu

Hélio Batalha - Letras

• 1 Lider
• Abensuado
• Cabo Verde É Sábi Ma É Prigo
• Dexam Bua (feat. Sonia Sousa)
• Djam Bem
• Djonsinho Cabral + Sacrificio Eterno (feat. Fattú Djakité)
• Ferro Gaita, Pt. 1 (part. Elji Beatzkilla, Loreta KBA, Mark Delman, Vado Más Ki Ás, Lalas 49, Trakinuz, Boy Game e PCC)
• Festa La Fora
• Final feliz (part. Elida Almeida e Amaral Fortes)
• Immortal (feat. Goldbeat)
• Ka Mesti Kanderu
• Ka Ta Da
• Karta D'Alforia
• Karta Pá Nha Ex (feat. Myriiam)
• Kulpa dKes MC's
• Mas Forte (feat. Josslyn)
• Mil Alguem (feat. Vando Alpina)
• Nada Éh Ka Impossível (part. Amyna Garcia)
• Nha Preta (feat. Garry)
• Nha Rap é Bensom (feat. Zeca di Nha Reinalda & Heliane Imany)
• Nha Último Karta (feat. Fattú Djakité)
• Nha Vizinha (feat. Zeca di Nha Reinalda)
• Nkre Ser
• Nkre Tem (part. Ravidson)
• Noz Vida (feat. Puto Fox)
• Nu Ta Kontinua Pa Li (part. Trakinuz)
• O Ki Fomi Txiga
• Obrigado (feat. Djodje)
• Órfons Di Pai Bibu (feat. Rislene)
• Passa Mal Ka Morti
• Pirigrinu
• Poemas (feat. Josslyn)
• Praia (feat. Kady)
• Rabidanti
• S K M T X (feat. FredKed & CESF)
• Sacreficiu Eterno
• Selvas de Pedras
• Sima Nu Sta Nu Ka Podi Fika (feat. PCC)
• So Bensons (feat. Hérica)
• Só Deus (feat. Paulinha)
• Te Fim Di Tudu
• Te Ki Dinheru Separanu
• Tempu Ki Bai (remix) (part. Mayra Andrade)
• Txora Pa Dentu (part. Sté YepSoM)
• Undi nu Txiga (feat. Trakinuz e Alberto Koenig)
• Wuauuu (feat. Amaral Fortes)
• ZUMBI (feat. PCC)